मिठासको वास्तविक स्रोत
हाम्रो थालीमा सजिने खानाको मिठास हिमालको हावापानीमा मात्र सीमित छैन। यो त खेतदेखि टेबलसम्म नथाकी खट्ने ती तमाम हातहरुको जादु हो।
किसानका हात
मुस्ताङको रुखो माटोमा पसिना बगाउँदै फापर र आलु फलाउने हात। हिउँ र चिसो सिरेटोको पर्वाह नगरी भिरपखेरामा ज्यानको बाजी राखेर सुगन्धित जिम्बु टिप्ने किसानका ती खस्रा हातहरु।
आमाका हात
आफ्नै पुर्ख्यौली सीप र माया मिसाएर गुन्द्रुक खाँद्ने र सुकाउने गाउँले आमाका हातहरु। अनि, विकट गाउँका ती अमूल्य स्वादलाई जतनसाथ शहरसम्म ल्याइपुर्याउने चालक र भरियाका हातहरु।
हाम्रो भान्साका हात
भान्सामा अगेनामा ढिँडो मोल्ने, जिम्बुले कालो दाल झान्ने र मुहारमा न्यानो मुस्कानका साथ तपाईंको अगाडि स्वादिलो खाना पस्कने हाम्रा परिश्रमी सहकर्मीका हातहरु।